27.04.2024 | 17:41
Երևանում առաջիկա օրերին ջերմաստիճանը կհասնի +33 աստիճանի
Հոկտեմբերի 18-ից 19-ը Երևանում կանցկացվի Հայ-ռուսական միջտարածաշրջանային 8-րդ ֆորումը
Քաղաքականություն
14.10.2021 | 15:41
Հոկտեմբերի 18-19-ը Երևանում կանցկացվի Հայ-ռուսական միջտարածաշրջանային 8-րդ ֆորումը, որի կազմակերպիչներն են հանդիսանում ՀՀ տարածքային կառավարման և ենթակառուցվածքների նախարարությունը, ՌԴ տնտեսական զարգացման նախարարությունը. տեղեկացնում են ՏԿԵ նախարարությունից:
Ֆորումի շրջանակում կկազմակերպվեն մի շարք կլոր սեղաններ տնտեսության, արդյունաբերության, կրթության և պատմամշակութային զբոսաշրջության ոլորտներում հայ-ռուսական համագործակցության զարգացման հարցերով։
Նախատեսվում է քննարկել նաև ներդրումների համար գործարար բարենպաստ միջավայրի ստեղծմանը և երկու երկրներում տնտեսական աճի խթանմանը վերաբերող հարցեր, դրանց լուծումները։
Հայ-ռուսական միջտարածաշրջանային ֆորումներն անցկացվում են 2011 թվականից, որի նպատակն է նպաստել երկու երկրների միջև միջտարածաշրջանային համագործակցության զարգացմանը։ ՀՀ և ՌԴ բարձրաստիճան պաշոտնյանները բազմիցս են կարևորել այս ֆորումների դերը՝ որպես երկու երկների տարածաշրջանների միջև համագործակցության զարգացման արդյունավետ գործիք։
