07.11.2024 | 21:46
Երևանում և 8 մարզում էլեկտրաէներգիայի անջատումներ կլինեն
ԱՀԿ-ն համաճարակների դեմ պայքարի նոր մարմին կստեղծի
Քաղաքականություն
14.10.2021 | 16:51
Առողջապահության համաշխարհային կազմակերպությունը (ԱՀԿ) համաճարակների դեմ պայքարի նոր փորձագիտական խումբ է նախաձեռնել և առաջարկել է դրա կազմի մեջ ներառել Գերմանիայի գլխավոր վիրուսաբաններից մեկին՝ Քրիստիան Դորսթենին, գրում է DW-ի ռուսական ծառայությունը։
26 փորձագետներից բաղկացած նոր թիմը կմշակի գլոբալ շրջանակ ՝ նոր պաթոգենների հետազոտման համար, որոնք կարող են առաջացնել համաճարակներ: Գիտնականները նաև կվերսկսեն ընթացիկ կորոնավիրուսային համաճարակի ծագման վերաբերյալ փակուղում հայտնված հետաքննությունը:
Վերջին տարիներին աշխարհում SARS-CoV-2-ից զատ հայտնվել են վտանգավոր հիվանդությունների ավելի շատ հարուցիչներ, ինչպես օրինակ MERS վիրուսն ու թռչնագրիպի տարբեր խմբերը։ Այս պատճառով էլ ԱՀԿ-ն դեռևս տարեսկզբին հայտարարել է հիվանդությունների նոր հարուցիչների վերաբերյալ խորհրդակցական խմբի ստեղծման մտադրության մասին։
Տաթև Ֆռանգյան
