29.06.2026 | 17:37
Դիմումները կարդալիս տպավորություն է, թե ՀՀ ընտրազանգվածը զոմբի է․ ՍԴ դատավոր․ ՏԵՍԱՆՅՈՒԹ
Թուրքական աղբյուրները պնդում են իրանական լրտեսական ցանցի բացահայտման մասին
Քաղաքականություն
14.10.2021 | 12:18
Ըստ թուրքական «Անադոլու» գործակալության, Թուրքիայի ազգային հետախուզական ծառայության ու Վանի ոստիկանության համատեղ գործողության արդյունքում իրանական լրտեսական ցանց է բացահայտվել։ Աղբյուրը հայտնում է, որ 8 մարդ է ձերբակալվել, այդ թվում՝ Իրանի հատուկ ծառայությունների երկու գործակալ։
Կասկածյալներից 6-ն էլ Թուրքիայի քաղաքացիներ են։
Հաղորդվում է, որ խմբի անդամները ձերբակալվել են սեպտեմբերի 24-ին, երբ փորձել են իրանցի նախկին մի զինվորականի ապօրինի կերպով հայրենիք տեղափոխել։
Ցանցի գործունեությանը հատկացվել է 30․000 դոլար։ Ըստ աղբյուրի՝ ցանցի անդամներին հանձնարարվել է զինվորականի կնոջն առաջարկել 10․000 դոլար, որպեսզի նա օգնի իրականացնել ամուսնու առևանգումը։ Բացի այդ, հաստատվել է, որ խմբի անդամները մերժման դեպքում սպառնացել են վնասել կնոջ՝ Իրանում բնակվող ընտանիքի անդամներին։
Ուշագրավ է, որ մինչ այս Իրանի հետախուզության նախարարությունը հայտարարել էր, որ 10 մարդ է ձերբակալվել երկրի հարավում։ Նրանք կապված են եղել տարածաշրջանի պետություններից մեկի հետախուզական ծառայության հետ։
Էմմա Չոբանյան
