19.12.2025 | 18:39
Դեսպան Արմեն Սարգսյանը համատեղության կարգով նշանակվել է Գանայում ՀՀ դեսպան
Թալիբների արտգործնախարարը պաշտոնական այցով Թուրքիա է մեկնել
Քաղաքականություն
14.10.2021 | 13:37
Աֆղանստանի արտաքին գործերի նախարար Ամիր Խան Մոթաքին, որը նշանակվել է այս պաշտոնում թալիբների իշխանության գալուց հետո, պաշտոնական այցով մեկնել է Թուրքիա, հաղորդում է «Սպուտնիկը»:
Մոթաքին Անկարա է մեկնել պատվիրակության կազմով ՝ թուրք պաշտոնյաների հետ երկկողմ հարաբերությունների, հումանիտար օգնության մատակարարումների և առևտրի վերաբերյալ հարցեր քննարկելու համար:
Օգոստոսի սկզբին, Աֆղանստանից ԱՄՆ-ի ու իր դաշնակիցների զորքերի դուրսբերումից հետո, «Թալիբան» խմբավորման գրոհայինները հարձակում են կազմակերպել կառավարական ուժերի դիրքերի դեմ և օգոստոսի 15 -ին մտել են Քաբուլ: Օգոստոսի 31 -ի գիշերը Միացյալ Նահանգները դուրս է բերել Աֆղանստանից իր բոլոր զինվորականներին և պաշտոնապես ավարտել իր առաքելությունն այս երկրում:
Դրանից հետո ծայրահեղականները սկսել են ձևավորել կառավարություն ու հայտարարել են, որ մտադիր են հասնել միջազգային հանրության կողմից ճանաչման։
Երկուշաբթի օրը հայտնի դարձավ, որ Թալիբանը պայմանավորվել է ԱՄՆ-ի հետ Աֆղանստանին մարդասիրական օգնություն տրամադրելու վերաբերյալ։
Տաթև Ֆռանգյան
