Քաղաքականություն
13.10.2021 | 21:14
Բաքվում մի խումբ երիտասարդներ՝ NIDA և D18 շարժման ակտիվիստներն այսօր բողոքի ակցիա են անցկացրել Ադրբեջանի իշխող «Նոր Ադրբեջան» կուսակցության գրասենյակի դիմաց։
Թուրան գործակալության հաղորդմամբ ակտիվիստները պահանջել են ազատ արձակել Ազգային ճակատ կուսակցության անդամներ Նիյամեդդին Ահմեդովին ու Ֆուադ Ահմեդլիին, ինչպես նաև լրագրող ու ակտվիստ Անար Աբդուլլաևին ու մյուս քաղբանտարկյալներին։
Բողոքի ակցիայի վայր ժամանած ոստիկանները բռնությամբ ցրել են ակցիան, ձերբակալել մասնակիցներին ու նրանց ոստիկանական բաժանմունքներ տարել։ Այս մասին հայտնել է ձերբակալվածներից Ռուստամ Իսմաիլբեյլին իր ֆեյսբուքյան գրառմամբ։
Էմմա Չոբանյան
