10.12.2025 | 19:52
Վեդիի ջրամբարի կառուցումը գրեթե ավարտված է. դոնոր կազմակերպությունը և Ջրային կոմիտեն համատեղ այց են կատարել
Սյունիքի մարզպետը՝ իր հրաժարականի լուրերի մասին
Քաղաքականություն
13.10.2021 | 15:49
Վերջին օրերին հատկապես Սյունիքում լուրեր են շրջանառվում, որ մարզպետը շուտով հրաժեշտ է տալու պաշտոնին, ավելին՝ ազատման դիմումն արդեն գրված է։ «Ոչ, սուտ է, այդպիսի բան չկա»,-շրջանառվող լուրերին ի պատասխան Factor TV-ի հետ զրույցում վստահեցրեց Սյունիքի մարզպետ Մելիքսեթ Պողոսյանը։
Դիտարկմանը, թե պնդումներ կան, որ ՔՊ-ական պատգամավորներից մեկն է նշանակվելու Սյունիքի մարզպետի պաշտոնում, Պողոսյանն արձագանքեց. «Նման բան էլ չկա»։
Ընդդիմությունը պնդում է, թե ՏԻՄ ընտրություններին ընդառաջ իշխող ուժը 1 մլրդ դրամի աջակցություն է խոստացել և դա կապում են ընտրությունների հետ այն իմաստով, որ ուզում են իշխանական թեկնածուները հաղթեն Սյունիքում։ Այս առնչությամբ մարզպետն արձագանքեց. «ՔՊ-ի թեկնածուն դրա հետ ընդհանրապես կապ չունի։ Միջգերատեսչական հանձնաժողով է ստեղծվել, որն էլ որոշում է կայացրել այդ գումարը տրամադրել համայնքների խնդիրների լուծմանը։ Մի հոգին չի կարող այդ հարցով որոշում կայացնել։ Բացի այդ, ոչ ոք չի կարող այդ գումարից մի կոպեկի ձեռք տալ»։
Հիշեցնենք, որ հոկտեմբերի 17-ին Սյունիքի մարզի Գորիս, Մեղրի, Տեղ և Տաթև համայնքներում ՏԻՄ ընտրություններ են սպասվում։ Ընտրություններ կլինեն նաև այլ մարզերում։
Մերի Մարտիրոսյան
