09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
2 երկրները հետաքրքրված են ենթակառուցվածքների զարգացման ծրագրի կյանքի կոչման մեջ․ արտգործնախարարներ. ՏԵՍԱՆՅՈՒԹ
Քաղաքականություն
13.10.2021 | 12:13
Հնդկական կողմը երկու խոշորագույն տրանսպորտային նախաձեռնությունների մասին է ժամանակին հայտարարել: Խոսքը Պարսից ծոց-Սև ծով տրանսպորտային միջանցքի և «Հյուսիս-հարավ» տրանսպորտային միջանցքի մասին է:
Արդյոք քննարկե՞լ եք այս երկու խոշորագույն նախագծերը: Հնդկաստանի արտաքին գործերի նախարարի հետ տեղի ունեցած ասուլիսի ընթացքում «Լուրեր»-ի հարցին ի պատասխան՝ ՀՀ ԱԳ նախարար Արարատ Միրզոյանը պատասխանեց.
«Մենք, բնականաբար, անդրադարձել ենք մեծ տարածաշրջանում ենթակառուցվածքների հարցին. դա վերաբերում է նաև «Հյուսիս-հարավ» միջանցքին: Քննարկել ենք Չաբահար նավահանգստի շուրջ ընթացող վերջին դրական զարգացումները, Հնդկաստանի և Հայաստանի միջև ճանապարհի ուղիղ հաղորդակցության հաստատման խնդիրը, ինչպես նաև Հայաստանից դեպի հյուսիս, Վրաստանով դեպի Ռուսաստան, գուցե նաև Սև ծովով դեպի Եվրոպա հետագա տարանցիկ փոխանցումների հարցը: Սա մեր օրակարգի կարևոր բաղկացուցիչն է:
Ինչ վերաբերում է Պարսից ծոց-Սև ծով նախաձեռնությանը, ապա իրանական կողմի հետ երեկ ենք քննարկել այս հարցը: Այս համաձայնագրի առումով ևս իրադարձությունները բավականին դինամիկ են զարգանում: Հուսամ՝ մոտ ապագայում արդեն նույնիսկ կունենանք ստորագրված համաձայնություն այդ փաստաթղթի շուրջ»:
Մանրամասները՝ տեսանյութում:
