11.10.2026 | 10:00
Նորբերտո Բրիասկո Բալեկյանն առաջին դուբլն է գրանցել կարիերայում. ՏԵՍԱՆՅՈՒԹ
Իրանն ակնկալում է, որ Ադրբեջանը արդյունավետ քայլեր կձեռնարկի իրանական բեռնատարների տարանցման խնդիրների լուծման ուղղությամբ․ ԱԳ ղեկավար
Քաղաքականություն
13.10.2021 | 11:29
Իրանի արտգործնախարարներ Հոսեյն Ամիր Աբդոլլահիանը իր ադրբեջանցի գործընկեր Ջեյհուն Բայրամովի հետ հեռախոսազրույցում հայտարարել է, որ Իրանի Իսլամական Հանրապետությունն ակնկալում է, որ Ադրբեջանը արդյունավետ քայլեր կձեռնարկի իրանական բեռնատարների տարանցման խնդիրների լուծման ուղղությամբ, գրում է «Mehr» գործակալությունը:
Ընդգծելով երկրների փոխադարձ հարգանքի ու անկախության, ինքնիշխանության և տարածքային ամբողջականության անհրաժեշտությունը՝ Իրանի արտգործնախարարը նշել է, թե Թեհրանին ու Բաքվին վաղեմի հարաբերություններ են կապում:
Ըստ դիվանագետի՝ երկու երկրները պետք է կանխեն թյուրիմացությունները երկկողմ հարաբերություններում և շարունակեն իրենց հարաբերությունները ճիշտ և արագ զարգացման ուղղությամբ:
Ադրբեջանի արտգործնախարարն իր հերթին Իրանի Իսլամական Հանրապետության հետ հարաբերություններն անվանել է «բարեկամական» և հավելել, որ Ադրբեջանի Հանրապետությունը մեծ նշանակություն է տալիս իր հարաբերություններին այնպիսի բարեկամ երկրների հետ, ինչպիսին է Իրանի Իսլամական Հանրապետությունը։
Ջեյհուն Բայրամովն ընդգծել է երկխոսության, հանգիստ և անկեղծ միջավայրում խնդիրները լուծելու անհրաժեշտությունը:
Նա առաջարկել է, որ երկու երկրների մաքսային ծառայողները անմիջական բանակցություններ վարեն իրանական ապրանքների տարանցման խնդիրները լուծելու համար:
Տաթև Ֆռանգյան
