30.07.2026 | 12:34
Տաթևի Մեծ անապատում հայտնաբերվել է միջնադարյան աղբյուր
Թուրքական լիրան արժեզրկման նոր ռեկորդ է գրանցել
Քաղաքականություն
12.10.2021 | 16:05
Հոկտեմբերի 12-ին թուրքական լիրան արժեզրկման նոր ռեկորդ է գրանցել ԱՄՆ դոլարի նկատմամբ, գրում է Duvar-ը։ 1 դոլարն այս պահին համարժեք է 9․03 լիրայի։
Թուրքական լիրայի արժեզրկումը սեպտեմբերին կազմել էր 6․5 տոկոս, ու գործընթացը շարունակվում է նաև հոկտեմբերին։
Հոկտեմբերի 11-ին էլ Կենտրոնական բանկի ղեկավար Շահափ Քավջըօղլուն խորհրդարանում քննարկման ժամանակ հայտարարել էր, որ Կենտրոնական բանկը կրճատել է անցյալ ամիս տոկոսադրույքները պահանջարկի գործոնները գնահատելուց հետո, որոնց վրա կարող է ազդել դրամավարկային քաղաքականությունը։
Նշենք, որ ավելի վաղ Reuters գործակալությունը, իր աղբյուրները վկայակոչելով, հայտնել էր, որ Թուրքիայի նախագահ Ռեջեփ Թայիփ Էրդողանը կորցրել է իր վստահությունը Քավջըօղլու նկատմամբ, որին նշանակել է 7 ամիս առաջ։
Էմմա Չոբանյան
