27.11.2024 | 16:27
Հայաստանը ողջունում է Լիբանանի և Իսրայելի միջև հրադադարը․ ԱԳՆ
Ռուս զինվորականները Լեռնային Ղարաբաղի ու Սիրիայի մարտական փորձը կկիրառեն «Էշելոն» զորավարժությունների ժամանակ
Քաղաքականություն
12.10.2021 | 16:40
Լեռնային Ղարաբաղում և Սիրիայում ձեռք բերված մարտական փորձը կկիրառվի ռուս զինծառայողների գործողությունների համար «Էշելոն-2021» հատուկ վարժանքներում, որոնք կանցկացվեն հոկտեմբերին Տաջիկստանում։ Այս մասին երեքշաբթի լրագրողներին հայտնել է գեներալ-լեյտենանտ Ալեքսեյ Լեմյակինը՝ Լոգիստիկայի գծով Կենտրոնական ռազմական օկրուգի հրամանատարի տեղակալը, գրում է ՏԱՍՍ-ը:
«Զորավարժությունների ընթացքում մենք լոգիստիկ աջակցության խնդիրների լայն շրջանակ կմշակենք ՀԱՊԿ Արագ արձագանքման հավաքական ուժերի համար ՝ հաշվի առնելով ժամանակակից զինված հակամարտությունների փորձը, այդ թվում ՝ Սիրիայի Արաբական Հանրապետությունում և Լեռնային Ղարաբաղում»,-ասել է նա:
Լեմյակինի խոսքով ՝ ստորաբաժանումները գործողություններ կկատարեն հավաքվող ենթակառուցվածքների, դաշտային կետերում տեխնիկայի վերալիցքավորման, մարտի դաշտից վնասված զրահամեքենաների տարհանման, նյութական միջոցների, զինամթեքրի մատակարարման և տեխնիկական ապահովման այլ գործառույթների շուրջ:
Գործնական վարժանքներին կներգրավվեն ավելի քան 500 զինծառայողներ Բելառուսից, Ղազախստանից, Ռուսաստանից ու Տաջիկստանից։
Հիշեցնենք, որ հոկտեմբերին Տաջիկստանի տարածքում՝ Աֆղանստանի հետ սահմանի մոտակայքում, համատեղ զորավարժություններ կանցկացվեն ՀԱՊԿ անդամ երկրների զորակազմերի մասնակցությամբ, որոնց կներգրավվի ավելի քան 2700 զինծառայող:
Տաթև Ֆռանգյան
