07.11.2024 | 19:49
Փաշինյանն ու Սլովակիայի վարչապետը մտքեր են փոխանակել Հայաստան-ԵՄ հարաբերությունների շուրջ
Ֆիլիպինների նախագահն առաջարկել է քնած ժամանակ մարդկանց պատվաստել կորոնավիրուսի դեմ
Քաղաքականություն
12.10.2021 | 11:16
Կորոնավիրուսի դեմ պատվաստվել չցանկացող քաղաքացիներին կարելի է պատվաստել քնած ժամանակ։ Նման առաջարկ է հնչել Ֆիլիպինների նախագահ Ռոդրիգո Դուտերետի կողմից, գրում է ՏԱՍՍ-ը։
«Գիտեմ, որ շատերը դեռևս չեն ցանկանում պատվաստվել։ Եկեք մտնենք նրանց տուն ու պատվաստենք, երբ նրանք քնած են»,- ասել է Դուտերտեն՝ իր տեսաուղերձի ժամանակ։
Նա նաև հավելել է, որ պատրաստ է անձամբ ղեկավարել իր նախաձեռնությունը։
Ֆիլիպինների ղեկավարը ևս մեկ անգամ հիշեցրել է պաշտպանիչ դիմակներ կրելու ու սոցիալական հեռավորություն պահպանելու անհրաժեշտության մասին։
Նշվում է, որ Ֆիլիպիններում պատվաստված է ավելի քան 23 միլիոն մարդ։ Երկրի իշխանությունները պատրաստվում են մինչև տարեվերջ պատվաստել 70 միլիոն բնակչի։
Տաթև Ֆռանգյան
