19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ճապոնիայի վարչապետը հայտարարել է, որ անհրաժեշտ է լուծել ՌԴ-ի հետ տարածքային հարցերը
Քաղաքականություն
12.10.2021 | 11:51
Ճապոնիայի նոր վարչապետ Ֆումիո Կիշիդան խորհրդարանում կայացած բանավեճի ժամանակ հայտարարել է, որ երկրի ինքնիշխանությունը տարածվում է նաևՀարավային Կուրիլյան կղզիների վրա, գրում է ՌԻԱ Նովոստին։
«Անհրաժեշտ է լուծել տարածքային հարցերը՝ դրանք չթողնելով հաջորդ սերունդներին»,- ընդգծել է նա։
Ընդ որում, վարչապետը հավելել է, որ Ճապոնիայի կառավարությունը «տրամադրված է Ռուսաստանի հետ խաղաղության պայմանագրի կնքել՝ լուծելով տարածքային պատկանելության խնդիրը»։ Նա նաև մտադրություն է հայտնել զարգացնել համագործակցությունը Մոսկվայի հետ՝ տնտեսական, քաղաքական, մշակութային ու այլ ոլորտներում։
Ինչ վերաբերում է երկու երկրների միջև տնտեսական համագործակցությանը, Ճապոնիայի վարչապետն ընդգծել է, որ իշխանությունները կցանկանային նպաստել դրան՝ «հիմնվելով 8 կետից բաղկացած առկա պայմանավորվածություններին, ինչպես նաև մշակել դրանց ամրապնդման համար կոնկրետ միջոցներ»։
Տաթև Ֆռանգյան
