27.11.2024 | 17:30
ՀՀ ԱԺ նախագահն ընդունել է ՀՀ-ում Նիդերլանդների նորանշանակ դեսպանին
Կասպից ծովում մեկնարկել են Ադրբեջանի ՌԾՈւ-ի զորավարժությունները
Քաղաքականություն
11.10.2021 | 21:14
Կասպից ծովում մեկնարկել են Ադրեջանի ռազմածովային ուժերի հրամանատարաշտաբային զորավարժությունները, որոնց ընթացքին հետևել են Ադրբեջանի պաշտպանության նախարար Զաքիր Հասանովն ու այլ բարձրաստիճան պաշտոնյաներ։ Հաղորդում է Ադրբեջանի ՊՆ-ն։
«Ռազմածովային ուժերի հրամանատար, փոխծովակալ Սուբհան Բեքիրովը զեկուցել է, որ զորավարժությունների ընթացքում իրականացվելու են Կասպից ծովի ադրբեջանական հատվածում էներգետիկ ենթակառուցվածների անվտանգության ապահովման առաջադրանքներ»,-ասվում է ՊՆ հաղորդագրության մեջ։
Նշվում է նաև, որ զորավարժությունների հիմնական նպատակը հրամատարների ու շտաբային սպաների պրակտիկ հմտությունների բարձրացումն է օպերատիվ որոշումների կայացման ու առկա ուժերի արդյունավետ օգտագործման գործում, մարտական գործողությունների վարման, ինչպես նաևъ անձնակազմերի գիտելիքների ու հմտությունների կատարելագործումը։
Նշենք, որ այս զորավարժությունները տևելու են մինչև հոկտեմբերի 13-ը։
Էմմա Չոբանյան
