02.04.2026 | 10:19
«Զայեդ»-ի շրջանակներում Փաշինյանի ստացած 500 հազար դոլարը կփոխանցվի պետական գանձապետարանի ավանդային հաշվին
Մոսկվայում տեղի կունենա Հայաստանի, Ռուսաստանի ու Ադրբեջանի հոգևոր առաջնորդների հանդիպումը
Քաղաքականություն
11.10.2021 | 16:12
Մոսկվայում սպասվում է Հայաստանի, Ռուսաստանի ու Ադրբեջանի հոգևոր առաջնորդների հանդիպումը։ Այս մասին ադրբեջանական լրատվամիջոցներն են հաղորդում՝ վկայակոչելով Կովկասի մահմեդականների վարչության գրասենյակին։
Նշվում է, որ հոկտեմբերի 11-14-ը, Կովկասի մահմեդականների վարչության ղեկավար, շեյխ ուլ իսլամ Ալլահշուքյուր Փաշազադեն Մոսկվայի ու Համայն Ռուսիո պատրիարք Կիրիլի հրավերով լինելու է Ռուսաստանում։
Այս այցի շրջանակում էլ տեղի է ունենալու Ամենայն Հայոց կաթողիկոս Գարեգին 2-րդի, պատրիարք Կիրիլի ու Ալլահշուքյուր Փաշազադեի հանդիպումը, որի կոնկրետ օրը չի նշվում։
Հաղորդվում է միայն, որ հանդիպումը կայանալու է ռուսական կողմի նախաձեռնությամբ։
Էմմա Չոբանյան
