17.12.2025 | 12:54
Դատարանը ՊՍԺ-ին պարտավորեցրել է 61 միլիոն եվրո վճարել Մբապեին
Հաագայի դատարանը լսումներ է սկսում ընդդեմ Ռուսաստանի
Քաղաքականություն
11.10.2021 | 18:08
Հաագայի արբիտրաժային դատարանը սկսում է լսումները Ուկրաինայի գործով ՝ ընդդեմ Ռուսաստանի ՝Ուկրաինայի ռազմածովային ուժերի երեք նավերը և դրանց անձնակազմի քսանչորս անդամներին Կերչի նեղուցում 2018 թվականի նոյեմբերին առգրավելու համար: Լսումները կանցկացվեն հիբրիդային ձևաչափով ՝ դեմ առ դեմ և տեսակապի միջոցով, գրում է DW-ի ռուսական ծառայությունը։
Այս փուլում լսումները վերաբերում են իրավասությանը: Սա նշանակում է, որ ըստ դրանց արդյունքների ՝ Ուկրաինայի պահանջի վերաբերյալ վերջնական որոշում չի լինելու: Լսումները կանցկացվեն երկու փուլով։ Հոկտեմբերի 11-ին բանավոր փաստարկները կներկայացնի Ռուսաստանը, հաջորդ օրը՝ Ուկրաինան։ Հոկտեմբերի 14-ին նախատեսվում է Ռուսաստանի բանավոր փաստարկների երկրորդ ռաունդը, իսկ հոկտեմբերի 15-ին՝ Ուկրաինայինը։Անհրաժեշտության դեպքում հավելյալ նիստը տեղի կունենա հոկտեմբերի 16-ին։
Երկու կողմերի ներկայացուցիչների կողմից առաջին փուլում արված բացման խոսքը կհեռարձակվի ուղիղ՝ դատարանի պաշտոնական կայքէջում, այնուհետև նիստը փակ կլինի հանրության համար մինչև նիստի ավարտը:
Տաթև Ֆռանգյան
