19.11.2024 | 18:32
Երևանաբնակ 100-ամյա տարեցները 1-ական մլն դրամ կստանան․ ՏԵՍԱՆՅՈՒԹ
Վիկտորիա Նուլանդը կժամանի ՌԴ․ Մոսկվան հանել է նրա դեմ կիրառված պատժամիջոցները
Քաղաքականություն
11.10.2021 | 14:41
ԱՄՆ պետքարտուղարի քաղաքական հարցերով տեղակալ Վիկտորիա Նուլանդը հոկտեմբերի 11-13-ը կայցելի Մոսկվա, որտեղ բանակցություններ կվարի ՌԴ ԱԳՆ-ի և այլ գերատեսչությունների ներկայացուցիչների հետ:
2019 -ի մայիսին Նուլանդին մերժել էին տրամադրել ռուսական վիզա ՝ ի պատասխան Միացյալ Նահանգների կողմից ռուս պաշտոնյաների դեմ պատժամիջոցների կիրառման, և այդ ժամանակից ի վեր նա Մոսկվայի պատժամիջոցների ցուցակում էր և չէր կարող մուտք գործել Ռուսաստան, գրում է BBC-ի ռուսական ծառայությունը։
Ռուսական ԶԼՄ-ները հայտնում են, թե ձեռք է բերվել պայմանավորվածություն, որ Մոսկվան թույլ կտա Նուլանդի ժամանումը, եթե Վաշինգտոնը, ի պատասխան, վիզաներ տրամադրի այն ռուս դիվանագետներին, որոնց նախկինում մերժել էր:
ՌԴ ԱԳՆ պաշտոնական ներկայացուցիչ Մարիա Զախարովան հաստատել է, որ Նուլանդը եղել է ՌԴ պատժամիջոցների ցուցակում և նրան թույլ են տվել Մոսկվա ժամանել ՝ ռուս չինովնիկների մի մասի դեմ Վաշինգտոնի կողմից կիրառված պատժամիջոցների չեղարկման դիմաց։
Տաթև Ֆռանգյան
