05.08.2026 | 22:29
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Լա Պալմա կղզում հրաբխի ժայթքումը կրկին ուժեղացել է․ ոչնչացվել է ավելի քան 1100 շենք
10.10.2021 | 21:33
Լա Պալմա կղզում մի շարք երկրաշարժերից հետո ուժեղացել է Կումբրե Վիեխա հրաբխի ժայթքումը: Այս մասին հայտնում է Associated Press-ը։
Այսօր՝ հոկտեմբերի 10-ին, կղզու բնակիչները նկատել են լավայի նոր հոսք, որը ոչնչացրել է ավելի քան 1100 շենք, այդ թվում՝ տներ, ֆերմաներ և արդյունաբերական կառույցներ: Երկրաշարժի պատճառով լավայի այս նոր ավերիչ հոսքն է առաջացրել:
«Մենք չենք կարող ասել, որ ժայթքումը, որը սկսվել է 21 օր առաջ, կավարտվի մոտ ժամանակներս», – ասել է Կանարյան կղզիների անվտանգության տարածաշրջանային նախարար Խուլիո Պերեսը:
Չնայած լավայի նոր հոսքին՝ կղզու բնակիչներին չեն տարհանել, քանի որ նրանք արդեն անվտանգ գոտում են։ Առաջին ժայթքումից հետո ստիպված են եղել տարհանել մոտ 6000 մարդու։
