12.02.2026 | 23:18
Առաջարկվում է նախակրթարանի տարիքային շեմը նվազեցնել մինչև 4 տարեկան
Միխայիլ Սաակաշվիլիի վիճակը սկսել է վատանալ
Քաղաքականություն
08.10.2021 | 17:58
Վրաստանի նախկին նախագահ Միխայիլ Սաակաշվիլիի փաստաբանը պատմել է ձերբակալությունից հետո հացադուլ հայտարարած իր պաշտպանյալի վիճակի մասին, գրում է «Գրուզիա օնլայնը»։
«Նրա բարոյական վիճակը լավ է, սակայն ֆիզիկական վիճակը, բնականաբար, սկսում է վատանալ»,- Սաակաշվիլիի հետ հանդիպումից հետո լրագրողներին ասել է Բեքա Բասիլայան։
Փաստաբանի խոսքով՝ իր պաշտպանյալը նիհարել է ավելի քան 12 կգ-ով։
«Նա արդեն 8-րդ օրն է՝ հացադուլ է հայտարարել, և ֆիզիկական վիճակը հետզհետե սկսում է վատանալ։ Ուստի, վրաց հասարակության համար կարևոր է ակտիվացնել և, միաժամանակ, սկսել Միխայիլ Սաակաշվիլիին ազատելու գործընթացը՝ հասնելով այն նպատակին, որին նա ձգտում է»,- ասել է Բասիլայան։
Տաթև Ֆռանգյան
