12.02.2026 | 23:18
Առաջարկվում է նախակրթարանի տարիքային շեմը նվազեցնել մինչև 4 տարեկան
Ռուսական «Lukoil»-ը Ադրբեջանի «Շահ Դենիզ» գազային նախագծում նոր բաժնեմաս է գնել
Քաղաքականություն
08.10.2021 | 16:59
Ռուսական «Lukoil» ընկերությունը Petronas ընկերության հետ պայմանագիր է կնքել՝ Կասպից ծովի ադրբեջանական հատվածում «Շահ Դենիզ» գազային նախագծի 15․5 տոկոս բաժնեմասը գնելու մասին։ Այս մասին հայտնել է ռուսական ընկերությունը։
Ադրբեջանական լրատվամիջոցների հաղորդմամբ՝ գործարքի գինը կազմում է 2․25 մլրդ դոլար, դրա փակումը սպասվում է մի շարք պայմանների իրագործումից, այդ թվում՝ Ադրբեջանի պետական նավթագազային SOCAR ընկերության համաձայնությունը ստանալուց հետո։
Գործարքի ավարտից հետո Lukoil-ի բաժնեմասը «Շահ Դենիզ»-ում կավելանա՝ 10%-ից հասնելով 25.5 %-ի։ «Շահ Դենիզ» նախագծի մյուս մասնակիցներն են բրիտանական BP-ն՝ 28.8%, TPAO-ն՝ 19%, SOCAR-ը՝ 10%, NICO-ն՝ 10% և SGC-ն՝ 6.7%։
Շահ Դենիզ հանքավայրի արդյունահանման բաշխման պայմանագիրը կնքվել ու վավերացվել է 1996 թվականին։
Նշենք, որ ռուսական ընկերությունը շարունակում է մեծացնել իր ներկայությունը ադրբեջանական նավթագազային ոլորտում։ Մասնավորապես, օրերս «Lukoil»-ը համաձայնագիր էր ստորագրել՝ բրիտանական BP-ից Կասպից ծովի ադրբեջանական հատվածում Ապշերոնի թերակղզու (SWAP) հետազոտական ծրագրի 25% բաժնեմասը ձեռք բերելու մասին: Գործարքի ավարտից հետո BP-ն կմնա ծրագրի օպերատոր՝ 25% բաժնեմասով։ Իսկ ծրագրի երրորդ մասնակիցն ադրբեջանական պետական նավթային SOCAR ընկերությունն է՝ 50% բաժնեմասով։
Էմմա Չոբանյան
