16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Արմեն Խաչատրյանը բյուջեից գումար էր վերցնում՝ Սյունիք գնալուց, իսկ Առուշանյանը մեծ աշխատանք է արել. Աննա Գրիգորյան. ՏԵՍԱՆՅՈՒԹ
Քաղաքականություն
08.10.2021 | 11:44
Հոկտեմբերի 17-ին տեղի են ունենալու ՏԻՄ ընտրություններ, այդ թվում՝ Գորիսում, և այս իշխանությունները ջանք չեն խնայել, որ Առուշ Առուշանյանը հնարավորություն չունենա ֆիզիկապես ներկա գտնվելու: Ակնհայտ է, որ քաղաքական հետապնդում է իրականացվում Առուշանյանի նկատմամբ: Այս մասին խորհրդարանական ճեպազրույցների ընթացքում հայտարարեց «Հայաստան» խմբակցության պատգամավոր Աննա Գրիգորյանը:
Ըստ պատգամավորի՝ քարոզարշավի ընթացքում այդ գործընթացը նոր երանգներ է ստանում, և իշխանությունը ոչ թե քարոզչություն է իրականացնում, այլ հակաքարոզչություն՝ փորձելով արատավորել Առուշանյանի բարի համբավը և վարկը:
«Հասել ենք նույնիսկ նրան, որ ՔՊ պատգամավոր Արմեն Խաչատրյանը փորձում է հարցականի տակ դնել Առուշանյանի՝ մարտական գործողություններին մասնակցելու փաստը»,- նշեց պատգամավորը՝ ընդգծելով, որ Արմեն Խաչատրյանն ու իր մյուս գործընկերները Արցախյան պատերազմի ընթացքում բյուջեից գումար էին վերցնում, որ հասնեն Սյունիք և Արցախ, իսկ Առուշանյանը մեծ աշխատանք է արել:
«Խաչատրյանի կողմից շատ բարձրագոչ հայտարարություններ են հնչում, և պետք է հասկանալ՝ ՔՊ պատգամավորն ինչ լիազորությունների շրջանակում է ակտիվ քարոզարշավ իրականացնում»,- ասաց պատգամավորը:
«Շատ վտանգավոր մի թեզ էլ է շրջանառվում, որ եթե Առուշ Առուշանյանին ընտրեն, միևնույն է, դուրս չի գալու, մնալու է կալանքի տակ: Այսինքն՝ իրենք են սկսել որոշել՝ ով պետք է մնա կալանքի տակ, ով պետք է դատապարտվի, ով՝ ոչ: Սա անընդունելի է»,- նշեց Գրիգորյանը:
Մանրամասները՝ տեսանյութում:
