18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ԱՄՆ-ն ու Չինաստանը` մինչև Ջո Բայդեն-Սի Ծինպին հանդիպումը․ VOA-ի անդրադարձը
Քաղաքականություն
07.10.2021 | 23:06
Վերջին մի քանի օրերի ընթացքում Չինաստանը ռազմական մոտ 150 օդանավ է ուղարկել դեպի Թայվանի օդային պաշտպանության գոտի: Այս մասին հայտնում է «Ամերիկայի ձայն»-ը։
Այդ կապակցությամբ ԱՄՆ-ի պետքարտուղար Էնթոնի Բլինքենը հանդես է եկել հայտարարությամբ այն մասին, որ դա կարող է ապակայունացնել իրավիճակը: «Այն ունի տարածաշրջանային խաղաղությունը եւ կայունությունը ոտնահարելու ներուժ»,-ասել է նա:
Հիշեցնենք, որ Թայվանն իրեն համարում է անկախ պետություն, երբ Պեկինն այն համարում է Չինաստանի մաս: Եվ Թայվանի դեմ չինական ճնշումներն ուժգնանում են Վաշինգտոնի ու Պեկինի միջեւ լարվածության աճին զուգահեռ:
Վերլուծաբաններից Թիմոթի Հիթը չի կարծում, որ իրադարձությունները կարող են տանել դեպի պատերազմ: «Ես չեմ կարծում, որ Չինաստանը հետաքրքրված է պատերազմ հրահրելով: Ոչ էլ ԱՄՆ-ը է շահագրգռված»,-ասում է նա:
Հիշեցնենք նաեւ, որ Միացյալ Նահանգները պահպանում է Թայվանի հետ ոչ պաշտոնական հարաբերությունները եւ շարունակում է պաշտպանության հարցերում Թայվանի նկատմամբ աջակուցությունը, միեւնույն ժամանակ ճանաչելով «Մեկ Չինաստան» եզրը, ինչը մեկ անգամ եւս ապացուցվեց Չինաստանի նախագահ Սի Ծին Պիտի հետ սեպտեմբեր ամսին ԱՄՆ-ի նախագահ Ջո Բայդենի հեռախոսազրույցի ընթացքում:
Սակայն ԱՄՆ-ը Չինաստանի նկատմամբ ճնշումներն ուժգնացնում է տնտեսական բնագավառում, հայտարարելով, որ Չինաստանը չի հարգում 2020 թվականին կնքված պայմանագիրը, ըստ որի Պեկինը համաձայնվել էր մինչեւ 2021թվականն ԱՄՆ-ից գնել ՜200 միլիարդ դոլարով ավելի ապրանք:
Այս ընթացքում ԱՄՆ-ը դաշինք է կազմում Հնդխաղաղօվկիանոսյան երկրների, այդ թվում Ավստրալիայի հետ, որը պատրաստվում է զինվել միջուկային սուզանավերով:
Սակայն Վաշինգտոնը դուրս է մնում Տարածաշրջանային համապարփակ տնտեսական համագործակցությունից` ազատ առեւտրի մասին գործարք, որի մեջ են մտնում հարավարեւելյան Ասիայի պետությունները եւ հինգ գործընկեր պետություններ, որոնց թվում է Չինաստանը:
ԱՄՆ-ը դուրս է մնում նաեւ Տրանսխաղաղօվկիանոսյան գործընկերության համապարփակ և առաջադիմական համաձայնագրից`Օբամայի վարչակազմի օրոք կնքված պայմանագիր, որից ԱՄՆ-ը 2017 թվականին դուրս բերեց Թրամփը:
Վերլուծաբաններից շատերն են ասում, որ ԱՄՆ-ի համար դժվար է լինելու պահպանել տնտեսական առավելությունը հնդխաղաղօվկիանոսյան տարածաշրջանում, հատկապես, երբ Չինաստանը վերջերս դիմեց անդամակցելու Տրանսխաղաղօվկիանոսյան գործընկերության համապարփակ և առաջադիմական համաձայնագրին:
Կարեւոր հարցեր ու խնդիրներ, որոնց շուրջ առցանց հանդիպման ընթացքում քննարկումներ են անցկացվելու Ջո Բայդենի եւ Սի Ծին Պինի միջեւ տարեվերջին:
