19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Սամուել Սևյանը ոչ-ոքի խաղաց 1-ին տուրում, Տաթև Աբրահամյանը` պարտվեց
07.10.2021 | 13:26
Հայազգի շախմատիստ Սամուել Սևյանը ոչ-ոքիով մեկնարկեց Սենտ Լուիսում սկսած շախմատի ԱՄՆ-ի առաջնությունը. գրում է a1plus-ը:
Առաջին տուրում մեր հայրենակիցը սպիտակներով հանդիպեց Սեմ Շենքլանդի հետ: Կողմերը արագ փոխանակեցին խոշոր ֆիգուրները և արդեն 30-րդ քայլին հաշտություն կնքեցին:
Մեկնարկային տուրում 12 մասնակիցներից հաղթանակ տարան միայն երկուսը` Ռեյ Ռոբսոնն ու Ջոն Բուրկեն: Մրցաշարի ֆավորիտներ Ֆաբիանո Կարուանան ու Վեսլի Սոն ոչ-ոքի ավարտեցին իրենց պարտիաները:
Այսօր կկայանան 2-րդ տուրի պարտիաները: Սեմուել Սևյանը սպիտակներով կհանդիպի Ռեյ Ռոբսոնի հետ: Կենտրոնական պարտիայում Ֆաբիանո Կարուանան սևերով կմրցի կուբացի գրոսմայստեր Լեյնիեր Դոմինգես Պերեսի հետ, որը հանդես է գալիս ԱՄՆ-ի դրոշի ներքո:
Զուգահեռաբար մեկնարկել է նաև ԱՄՆ շախմատի կանանց առաջնությունը: Այստեղ հանդես է գալիս մեր հայրենակից Տաթև Աբրահամյանը: Առաջին տուրում նա պարտվեց Գուլրուխբեգիմ Տոխիրջոնովային, որը ծնունդով Ուզբեկստանից է: Երկրորդ տուրում հայ շախմատիստուհին կհանդիպի Կարիսա Յիպի հետ:
