07.11.2024 | 22:50
Ահաբեկչության մեղադրանքով 5 տարվա ազատազրկման դատապարտված դպրոցականի պատժաչափը կրճատել են 24 օրով
Ալիևը հայտարարել է, որ ԵՄ-ն կարող է ակտիվորեն մասնակցել ՀՀ-ի և Ադրբեջանի միջև հարաբերությունների կարգավորմանը
Քաղաքականություն
06.10.2021 | 16:28
Ադրբեջանի նախագահ Իլհամ Ալիևն այսօր Բաքվում ԵՄ նորանշանակ դեսպան Պետեր Միխալկոյի հավատարմագրերի ընդունման ժամանակ հայտարարել է, որ Բաքուն պատրաստ է Հայաստանի հետ բանակցություններ սկսել հարաբերությունների կարգավորման համար, և հնարավոր է համարում ԵՄ ակտիվ մասնակցությունը այդ գործընթացում։
«Հիմա գլխավոր հարցը հետպատերազմյան շրջանն է, տարածաշրջանում խաղաղության ու կայունության ապահովումը։ Մենք ցանկանում ենք շրջել այդ էջը, դա մեր քաղաքականությունն է։ Մենք ցանկանում ենք կարգավորել հարաբերությունները Հայաստանի՝ մեր հարևանի հետ։ Մենք պատրաստ ենք Հայաստանի հետ բանակցություններ սկսել խաղաղության պայմանագրի ստորագրման, սահմանների դելիմիտացիայի, հաղորդակցությունների բացման շուրջ։ Այդ գործընթացը մասնակիորեն սկսվել է»,- ասել է Ալիևը։
Նա հավելել է, թե այդ գործընթացում ակտիվորեն կարող է մասնակցել նաև ԵՄ-ն, առավել ևս, որ «նման ցանկություն տեսնում է»։
Հավելենք, որ ավելի վաղ Ալիևը դժգոհել էր ԵՄ-ի կողմից Հայաստանին տրամադրվելիք 2․6 մլրդ եվրո աջակցությունից և նույնչափ օգնություն պահանջել Ադրբեջանի համար։
Էմմա Չոբանյան
