19.05.2026 | 14:19
Առավոտ ասում են՝ սիրում ենք բոլորիդ, կեսօրին՝ սատկացնելու ու կզցնելու ենք բոլորիդ․ Էդգար Ղազարյան. ՏԵՍԱՆՅՈՒԹ
Արջերն «Արփի լիճ» ազգային պարկի տարածքում ակտիվացել են
06.10.2021 | 15:15
Արդեն երկու ամիս է արջերը «Արփի լիճ» ազգային պարկի տարածքում ակտիվացել են: Ինչպես տեղեկացնում է «Արմենպրես»-ը՝ արջերից մեկը «Արփի լիճ» ազգային պարկի Ախուրյանի կիրճ տեղամասում են նկատվել, իսկ երկրորդը՝ քոթոթներով Աշոցքում: Մեծ Սեպասարում հոկտեմբերի 5-ին արջերը վնասել են մեղվի 6-7 փեթակ:
«Ուրախ ենք, որ մարդկային վնասներ չենք կրել, միաժամանակ անչափ ուրախալի է արջերի «ներկայությունը», ինչը խոսում է տարածքի կենսաբազմազանության որակի բարձրացման, ինչպես նաև հանգիստ միջավայրի մասին, ինչն էլ ակտիվացրել է կենդանիներին: Ստեղծված ապահով վիճակը միջավայրի հսկողության արդյունք է»,-«Արմենպրես»-ին ասաց «Արփի լիճ» ազգային պարկ ՊՈԱԿ-ի տնօրեն Մուշեղ Մուրադյանը:
