11.10.2026 | 10:00
Նորբերտո Բրիասկո Բալեկյանն առաջին դուբլն է գրանցել կարիերայում. ՏԵՍԱՆՅՈՒԹ
Սև ծովում անց են կացվել ՆԱՏՕ-Վրաստան համատեղ ռազմածովային զորավարժություններ
Քաղաքականություն
05.10.2021 | 12:46
Վրաստանի ներքին գործերի նախարարության առափնյա պահպանության և ՆԱՏՕ-ի ռազմածովային ստորաբաժանման նավերը, Սև ծովում անց են կացրել համատեղ ռազմածովային զորավարժություններ. Վրաստանի Հանրային ՀԸ-ի փոխնցմամբ հաղորդում է երկրի Ներքին գործերի նախարարությունը:
Զորավարժություններն իրականացվել են ՆԱՏՕ-ի ականազերծման գործողությունների երկրորդ մշտական ստորաբաժանման (SNMCMG2) նավահանգստային այցի շրջանակներում:
« Համատեղ ծովային գործողություններին մասնակցել են՝ Ներքին գործերի նախարարության սահմանապահ ոստիկանության առափնյա պահպանության վարչության «Սոխումի» պարեկային նավը և ՆԱՏՕ-ի երկրորդ մշտական հակաականային ստորաբաժանման նավերը.՝ ESPS RAYO (Իսպանիա), ROS LT LUPU DINESCU ( Ռումինիա), BGC SHKVAL (Բուլղարիա), TCG EDINCIK (Թուրքիա) և ITS VIAREGGIO (Իտալիա):
Զորավարժությունների նպատակն էր բարձրացնել Վրաստանի և ՆԱՏՕ-ի նավատորմի փոխգործունակությունը և ամրապնդել մեր երկրի պաշտպանունակությունը:
ՆԱՏՕ-ի ռազմածովային ուժերի այցերը վրացական նավահանգիստներ կանոնավոր բնույթ են կրում և հանդիսանում են ՆԱՏՕ-Վրաստան համագործակցության շոշափելի արդյունքներից մեկը `Սև ծովի անվտանգության ամրապնդման տեսանկյունից: ՆԱՏՕ-ի նավերը երկրորդ անգամ են այցելում Վրաստան 2021 թվականին», – հայտնել են ներքին գործերի նախարարությունում:
