16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Սա փայ մտնել է, կոռուպցիայի բարձրագույն պիլոտաժ. Քոչարյանը` ԶՊՄԿ-ի` ՀՀ-ին անցած մասնաբաժնի մասին․ ՏԵՍԱՆՅՈՒԹ
Քաղաքականություն
04.10.2021 | 12:37
Դա այն կոմբինատն է, որը միշտ իր հետ են կապել, սակայն ես երբևէ որևէ կապ չի ունեցել դրա հետ։ Այս մասին, այսօր մամուլի ասուլիսի ժամանակ նշեց ՀՀ երկրորդ նախագահ Ռոբերտ Քոչարյանը՝ անդրադառնալով Զանգեզուրի պղնձամոլիբդենային կոմբինատի շուրջ տեղի ունեցող զարգացումներին:
«Դա արվում էր «Հայկական ժամանակ» թերթի կողմից՝ հետևողականորեն, տասը տարուց ավելի։ Հիմա ո՞վ փայ մտավ և ո՞ւմ հետ փայ մտավ։ Սա երևի Հայաստանի պատմության մեջ ամենից մութ գործարքն է՝ անհասկանալի տրամաբանությամբ։ Չես հասկանում թե ինչու ինչ-որ նվիրաբերություն է արվում և այդ փայի կառավարումը փոխանցվում է վարչապետի աշխատակազմին։ Աբսուրդ է։ Պետական բաժնեմասերը պետք է կառավարվեն ֆինանսների նախարարության կողմից, կարող է՝ էկոնոմիկայի նախարարության կողմից:
Ի՞նչ գործ, ի՞նչ մասնագիտական հմտություն ունի վարչապետի աշխատակազմը նման գործառույթ ունենալու համար։ Սա ուղղակի փայ մտնել է Հայաստանի ամենից խոշոր, ամենից գրավիչ ակտիվի կառավարման մեջ՝ ֆինանասկան հոսքերը կառավարելու համար։ Սա կոռուպցիայի դրսևորումների առումով բարձրագույն պիլոտաժ է, լկտիության հասնող»,- նշեց Քոչարյանը։
Մանրամասները՝ տեսանյութում:
