ՌԴ ԱԴԾ-ն հրապարակել է այն տեղեկությունների ցանկը, որոնց հավաքագրման համար կարող ես դառնալ «օտարերկրյա գործակալ»

Անվտանգության դաշնային ծառայությունը (ԱԴԾ) հրապարակել է այն տեղեկությունների ցանկը, որոնց հավաքագրման համար հնարավոր է «օտարերկրյա գործակալի» կարգավիճակ ունենալ:

2020 թվականի վերջին ՌԴ Պետդումայի և նախագահ Վլադիմիր Պուտինի կողմից հաստատված օրենսդրական փոփոխությունների համաձայն մշակված տվյալների ցանկը ներառում է 60 կետ և ունի 9 էջ ծավալ, գրում է DW-ի ռուսական ծառայությունը։

Այդ տեղեկությունները պետական ​​գաղտնիք կամ գաղտնի տեղեկատվություն չեն, սակայն, ըստ ԱԴԾ-ի, այն պոտենցիալ կարող է օգտագործվել օտարերկրյա պետությունների և կազմակերպությունների կողմից՝ ի վնաս Ռուսաստանի պետական ​​անվտանգության: Կարող եք դառնալ «օտարերկրյա գործակալ», օրինակ՝ «Ռոսկոսմոսի» ֆինանսական խնդիրների կամ բանակի կողմից իրականացվող գնումների վերաբերյալ տվյալների հավաքագրման և փոխանցման համար:

«Օտարերկրյա գործակալի» կարգավիճակ կարելի է ստանալ նաև միջազգային պայմանագրերի նախապատրաստման, կնքման, բովանդակության, իրագործման, դադարեցման կամ կասեցման վերաբերյալ տեղեկությունների հավաքագրման համար։ Խնդիրներ կարող է առաջացնել նաև բանակում հանցագործությունների մասին տեղեկությունների հավաքագրումը, որոնք հետաքննվում են ԱԴԾ-ի ու Քննչական կոմիտեի կողմից հետաքննվող, ինչպես նաև «տեղեկությունների հավաքագրումն օրենքի գերակայության պահպանման և զորքերում բարոյահոգեբանական մթնոլորտի մասին»:

Սրա հետ մեկտեղ, կարևոր չէ՝ «օտարերկյա» գործակալը Ռուսաստանի՞, թե՞ այլ երկրի քաղաքացի է հանդիսանում։

Տաթև Ֆռանգյան