13.02.2026 | 20:00
ԱՄՆ-ն ասում է՝ ցուցակ տվեք, պատրաստ է զենք վաճառել ՀՀ-ին ԱԹՍ-ից բացի. Ներսես Կոպալյան․ ՏԵՍԱՆՅՈՒԹ
Հյուսիսային Կորեան հայտարարել է նոր զենիթային հրթիռի փորձարկման մասին
Քաղաքականություն
01.10.2021 | 14:03
Հյուսիսային Կորեան հայտարարել է նոր զենիթային հրթիռի հաջող փորձարկման մասին: Այս մասին հայտնում է DW-ի ռուսական ծառայությունը՝ վկայակոչելով Կորեայի կենտրոնական հեռագրային գործակալությունը։
Նշվում է, որ սեպտեմբերի 30-ին արված փորձարկումը հաստատել է նոր տեսակի զենիթային հրթիռի «զարմանալի մարտունակությունը», որը մշակվել է «կարևոր նորարարական տեխնոլոգիաների» կիրառմամբ։
Հաղորդագրությունում նշվում է նաև, որ այս «արձակումը գործնական մեծ նշանակություն ունի տարբեր հեռանկարային հակաօդային հրթիռային համալիրների հետազոտության և մշակման գործում»:
ԿԺԴՀ-ի (Հյուսիսային Կորեա) առաջնորդ Կիմ Չեն Ընը ներկա չի եղել փորձարկումներին: Դրանց հետևում էր Կորեայի աշխատավորական կուսակցության ԿԿ նախագահության անդամ Պակ Չոնգ Չոնը:
Հյուսիսային Կորեան վերջերս ակտիվացրել հրթիռային զենքի փորձարկումները: Այս շաբաթ Փհենյանը հաղորդեց նաև գերձայնային հրթիռի հաջող փորձարկման մասին: Բազմաթիվ արևմտյան երկրներ խստորեն դատապարտեցին այս փորձարկումը:
Հյուսիսային Կորեան իր հրթիռային և միջուկային ծրագրի պատճառով գտնվում է ԱՄՆ-ի և ՄԱԿ-ի պատժամիջոցների ներքո և գրեթե ամբողջությամբ մեկուսացված է: Հոկտեմբերի 1-ին ՄԱԿ-ի Անվտանգության խորհուրդն արտահերթ նիստում քննարկելու է ԿԺԴՀ-ի շուրջ ստեղծված իրավիճակը:
