15.05.2026 | 19:04
Արտերկրում խաղացող 11 ֆուտբոլիստ հրավիրվել է Հայաստանի հավաքական
ՌԴ ԱԳՆ-ն արձագանքել է Ալիևի՝ «Զանգեզուրի միջանցքի» մասին հայտարություններին
Քաղաքականություն
30.09.2021 | 19:25
ՌԴ ԱԳՆ տեղեկատվության և մամուլի վարչության պետի տեղակալ Ալեքսեյ Զայցևն այս տեղի ունեցած ճեպազրույցում անդրադարձել է Ադրբեջանի նախագահ Իլհամ Ալիևի՝ այսպես կոչված «Զանգեզուրի միջանցքի» պարտադիր բացման և, հայկական կողմի չհամաձայնվելու դեպքում, ուժ գործադրելու մասին հայտարարություններին։
«Ակնհայտ է, որ նման երանգ ունեցող հայտարարությունները չեն նպաստում եղած տարաձայնությունների հաղթահարմանը։ Դրա փոխարեն անհրաժեշտ է փոխադարձ ընդունելի լուծունմեր գտնելու հնարավորություն ապահովել։ Նման տրամադրվածությունը հնչեցվել է և՛ Բաքվի, և՛ Երևանի կողմից բարձր մակարդակում, պատրաստակամություն է հայտնվել նոր էջ բացել հարաբերություններում ու դրանք աստիճանաբար կարգավորել։ Մեր աշխատանքում մենք կենտրոնանում ենք նման դրական կետերի վրա»,- ասել է Զայցևը։
Նա նաև ասել է, որ Հարավային Կովկասում տրասնպորտային ուղիների ապաշրջափակման ուղղված եռակողմ աշխատանքային խումբը շարունակում է աշխատանքները՝ Ռուսաստանի, Ադրբեջանի և Հայաստանի փոխվարչապետերի մակարդակով։
Էմմա Չոբանյան
