19.05.2026 | 13:20
Էդուարդ Սպերցյանը խոսել է մեջքի խնդիրների մասին
Աֆղանստանում թալիբները մարտեր են սկսել «Իսլամական պետության» դեմ
Քաղաքականություն
30.09.2021 | 16:18
Աֆղանստանի Զաբուլ նահանգում «Իսլամական պետության» ահաբեկիչների հետ մարտերի հետևանքով սպանվել է առնվազն 17 թալիբ։ Այս մասին հայտնել է Kabul News հեռուստաալիքը, գրում է korrespondent-ը:
Լրատվամիջոցների տվյալներով՝ ԻՊ-ի գրոհայինները դարանակալել և հարձակվել են թալիբների վրա՝ մարտում կորցնելով երեք զինյալի:
Hama Press-ը նախօրեին հայտնել էր, որ թալիբները հայտարարել են Նանգարհար նահանգում, ինչպես նաև մայրաքաղաքի շրջանում ԻՊ-ի զինյալների դեմ գործողությունների մեկնարկի մասին՝ մի շարք պայթյունների և զինված հարձակումների պատճառով, քանի որ «Խորասանի Իսլամական պետություն» խմբավորումը ստանձնել է այս միջադեպերի մի մասի պատասխանատվությունը:
Ավելի վաղ հաղորդվում էր, որ թալիբները մտադիր են վերսկսել հրապարակային մահապատիժները՝ սկսելով գողության համար վերջույթները կտրելու պրակտիկայից:
Մասնավորապես, հայտնի է դարձել Հերաթ նահանգում չորս մարդու հրապարակային մահապատժի մասին:
Տաթև Ֆռանգյան
