19.05.2026 | 11:20
Դիմում ենք Հայաստանում հավատարմագրված դեսպաններին ու դիտորդներին. «Հայաստան» դաշինքի հայտարարությունը
Լուկաշենկոն հայտարարել է, որ եղբայրական Ադրբեջանը եղել և մնում է Բելառուսի ռազմավարական գործընկերը, իսկ Հայաստանը՝ բարեկամը
Քաղաքականություն
30.09.2021 | 15:25
Բելառուսի նախագահ Ալեքսանդր Լուկաշենկոն այսօր ընդունել է 9 երկրների դեսպանների հավատարմագրերը, այդ թվում՝ Հայաստանի և Ադրբեջանի, գրում է ԲԵԼՏԱ-ն։
Լուկաշենկոն ևս մեկ անգամ իր երախտագիտությունն է հայտնել «Ադրբեջանի ժողովրդին ու իր ընկեր Իլհամ Ալիևին՝ վստահության և հուսալիության համար»:
«Ադրբեջանը եղել և մնում է մեր ռազմավարական դաշնակիցը, եղբայրական պետություն, որը հետևողականորեն ու անշահախնդիր աջակցում է Բելառուսին»,- ասել է Լուկաշենկոն։
Ինչ վերաբերում է Հայաստանին, չնայած Մինսկն ու Երևանը նույն տնտեսական՝ ԵՏՄ-ի և պաշտպանական՝ ՀԱՊԿ-ի անդամ են ու փաստացի դաշնակիցներ, Լուկաշենկոն նշել է միայն, որ երկու երկրներին «միավորում են ավանդական բարեկամական հարաբերությունները, համատեղ պատմությունն ու սերտ միջանձնային կապերը»։
«Մեր երկրներն ակտիվորեն համագործակցում են ինտեգրացիոն կառույցների շրջանակում՝ շատ դեպքերում խոսելով միասնական դիրքերից»,- ասել է Լուկաշենկոն՝ նշելով, որ Բելառուսը բաց է Հայաստանի հետ բոլոր ոլորտներում ամուր հարաբերությունների հետագա զարգացման վերաբերյալ առաջարկների համար։
Էմմա Չոբանյան
