15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ՌԴ-ում նոր լրատվամիջոցներ են ներառվել օտարերկրյա գործակալների ցուցակում
Քաղաքականություն
30.09.2021 | 15:49
ՌԴ Արդարադատության նախարարությունը «Մեդիազոնա» լրատվականին ներառել է օտարերկրյա գործակալ ճանաչված լրատվամիջոցների ցանկում, գրում է BBC-ի ռուսական ծառայությունը:
Բացի այդ, դրանում ընդգրկվել է նաև «Զոնա պրավա» կազմակերպությունը, որը զբաղվում է բանտարկյալների օգնությամբ, իսկ «Մեդիազոնա»-ի գլխավոր խմբագիր Սերգեյ Սմիրնովը և հրատարակիչ Պյոտր Վերզիլովը ներառվել են օտարերկրյա գործակալների ցուցակում:
Նախարարությունը նաև «ՕՎԴ-Ինֆո» պորտալը, որը զբաղվում է բողոքի ցույցերի ժամանակ ձերբակալվածներին օգնելով, ներառել է չգրանցված հասարակական հանրային միավորումների ռեեստրում, որոնք իրականացնում են օտարերկրյա գործակալի գործառույթ։
«Մեդիազոնա»-ն և «ՕՎԴ-Ինֆո»-ն մտադիր են շարունակել աշխատանքը՝ չնայած արտասահմանյան գործակալի կարգավիճակին։ Այս մասին ասված է նրանց կայքէջերում տեղադրված հայտարարություններում։
Տաթև Ֆռանգյան
