19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Իրանը Ադրբեջանի հետ սահմանին աննախադեպ զորավարժություններ է սկսում
Քաղաքականություն
30.09.2021 | 14:50
Իրանի ցամաքային զորքերի հրամանատար Քումարս Հեյդարին հայտարարել է, որ «Խեբարի նվաճողները» զորավարժությունները կմեկնարկեն վաղը՝ երկրի հյուսիսարևմտյան շրջանում։ Այս մասին գրում է իրանական Mehr-ը։
«Զորավարժությունները կսկսվեն վաղը՝ հյուսիսարևմտյան շրջանում, զրահատանկային ստորաբաժանումների, հրետանու, անօդաչու թռչող սարքերի մասնակցությամբ և ռազմաօդային ուժերի ուղղաթիռների աջակցությամբ»,- ասել է Հեյդարին։
Նա հավելել է, որ այդ տարածաշրջանում ու երկրի տարբեր հատվածներում զորավարժություններն անցկացվում են նախատեսված ծրագրով և ուղղված են զենքերի, ռազմական տեխնիկայի փորձարկմանը, զինված ուժերի մարտական պատրաստվածության գնահատմանը։
Հավելենք, որ մի քանի օր է՝ Իրանը մեծաքանակ ռազմական տեխնիկա է տեղափոխում Ադրբեջանի հետ սահման՝ զորավարժությունների անցկացման համար։
Էմմա Չոբանյան
