01.11.2024 | 22:14
Ժնևի ՄԱԿ-ի գրասենյակում բացվել է Հայաստան-Ֆրանսիա բարեկամության սենյակ
Արմեն Չարչյանի կյանքին վտանգ չի սպառնում. Կարեն Անդրեասյան. ՏԵՍԱՆՅՈՒԹ
Հասարակություն
30.09.2021 | 12:11
«Պարոն Չարչյանի վիճակն այնքան է մտահոգում ինձ, որ պարոն Չարչյանը խցում համարյա ժամեր չի անցկացրել։ Անընդհատ իր ազատազրկումն անցկացրել է բժշկական հսկողության ներքո՝ թե մեր բուժհաստատությունում, թե քաղաքացիական բուժհաստատություններում»,- լրագրողների հետ ճեպազրույցում անդրադառնալով անազատության մեջ գտնվող բժիշկ, ԱԺ ընդդիմադիր պատգամավոր Արմեն Չարչյանի առողջական վիճակին, այս մասին նշեց արդարադատության նախարար Կարեն Անդրեասյանը:
«Ինչ վերաբերում է առանձին ազատազրկված անձանց այցելելուն, չկա հատուկ ցուցում, կամ անհանգստություն, որ մեր բժիշկները կամ կալանավայրի աշխատակիցները չեն կարողանում ապահովել, որպեսզի նախարարն այցելի։ Իսկ քաղաքական ընտրությամբ որևէ մեկին այցելելը կլիներ շատ խտրական»,- ասաց նախարարը։
Անդրեասյանն ընդգծեց, որ Արմեն Չարչյանի առողջությանը որևէ վտանգ չի սպառնում։ «Առաջին իսկ օրվանից ես հատուկ հոգածությամբ վերաբերվել եմ ոչ միայն պարոն Չարչյանին, այլև բոլոր ազատազրկվածներին, ովքեր ունենք առողջական խնդիրներ։ Ես գրեթե ամենօրյա ռեժիմով ստացել եմ զեկուցումներ, և ըստ վերջին զեկուցումների՝ պարոն Չարչյանի առողջությանը վտանգ չի սպառնում։
Ես ձեզ երաշխավորում եմ, որ պարոն Չարչյանն ստանում է Սահմանադրությամբ, օրենքներով, միջազգային նորմերով սահմանված ամբողջ ուշադրությանը պետության կողմից։ Ինչը ենթադրում է, որ այնտեղ չի կարող լինել որևէ խոշտանգման երևույթ:
Այլ հարց է՝ ազատությունից զրկել-չզրկելու հարցը ինչպես կորոշի դատարանը, որին մենք չենք խառնվում»,- հավելեց նախարարը։
Մանրամասները՝ տեսանյութում:
