27.11.2024 | 16:35
Թուրքիայի ԱԳՆ-ն կոչ է անում միջազգային հանրությանը ճնշում գործադրել Իսրայելի վրա և փոխհատուցել Լիբանանին պատճառած վնասները
Պուտինը հայտարարել է, որ ՌԴ-ն և Թուրքիան սովորել են փոխզիջումներ գտնել
Քաղաքականություն
29.09.2021 | 16:43
ՌԴ նախագահ Վլադիմիր Պուտինը Սոչիում անցկացվող Թուրքիայի նախագահ Ռեջեփ Թայիփ Էրդողանի հետ հանդիպմանը հայտարարել է, որ Մոսկվան ու Անկարան սովորել են փոխշահավետ փոխզիջումներ գտնել, գրում է ՌԻԱ Նովոստին։
Պուտինը նշել է, որ բանակցությունները երբեմն բարդ են ընթանում, սակայն դրական արդյունք են ունենում։
«Միջազգային գծով մենք բավական հաջողությամբ ենք համագործակցում։ Նկատի ունեմ Սիրիան, Լիբիան։ Ակտիվորեն գործում է Հայաստանի և Ադրբեջանի սահմանին հրադադարի վերահսկման ռուս-թուրքական կենտրոնը»,- ասել է նա։
ՌԴ ղեկավարի խոսքով՝ երկու երկրների համագործակցությունը կայունության երաշխիքներ է տալիս։
Էրդողանն իր հերթին կարևորել է Սիրիայի հարցում համատեղ քայլերը՝ նշելով, որ խաղաղությունը տարածաշրջանում կախված է երկու երկրների հարաբերություններից։
Էմմա Չոբանյան
