Քաղաքականություն
28.09.2021 | 17:24
Ադրբեջանի նախագահ Իլհամ Ալիևը France 24-ին տված հարցազրույցում, մասնավորապես, նշել է, որ Նյու Յորքում Հայաստանի և Ադրբեջանի ԱԳ նախարարների հանդիպումը «լավ ցուցիչ» է, որ երկխոսությունը կարող է վերսկսվել և հակամարտության խաղաղ լուծում գտնվել։
Նա նաև ասել է, որ պատրաստ է խաղաղ բանակցություններ սկսել՝ միաժամանակ, հավելելով, Հայաստանի ղեկավարությունը, իբր, «համարժեք չի պատասխանել»։
Ալիևը նաև հավելել է, որ եթե ԵԱՀԿ Մինսկի խմբի համանախագահները ՀՀ վարչապետ Նիկոլ Փաշինյանի հետ հանդիպում կազմակերպեն, ինքը չի առարկի։
Հավելենք, որ նախորդ հայտարություններում Ադրբեջանի նախագահը մերժում էր Մինսկի խմբի գործունեությունն ու դրա շրջանակում բանակցությունների վերսկսումը՝ Արցախի հակամարտությունը լուծված համարելով։
Էմմա Չոբանյան
