04.06.2026 | 11:40
Էդուարդ Սպերցյանը փոխել է խաղային համարը Հայաստանի հավաքականում․ ԼՈՒՍԱՆԿԱՐ
Թուրքիան և Ադրբեջանը գազի մատակարարման նոր համաձայնություն են ձեռք բերել
Տնտեսություն
28.09.2021 | 14:12
Այս տարվա ապրիլին ավարտվել է Ադրբեջանից Թուրքիա բնական գազի մատակարարման մասին երկու պայմանագրերից մեկի ժամկետը։ Ապրիլի 17-ից դադարեցվել է «Շահդենիզ 1» հանքավայրից գազի մատակարարումը՝ տարեկան 6․6 մլրդ խորանարդ մետր ծավալով։
Թուրքիայի և Ադրբեջանի միջև գազի մատակարարման նոր համաձայնություն է ձեռք բերվել։ Ադրբեջանական լրատվամիջոցներին այս մասին հայտնել է SOCAR ընկերության հասարակայնության հետ կապերի բաժնի պետի տեղակալ Իբրահիմ Ահմեդովը։
Նա, սակայն, նոր պայմանագրի մանրամասները չի բացահայտել։
Ապրիլին պայմանագրի ժամկետի ավարտից հետո 5 ամիս շարունակ կողմերից որևէ մեկը երկրների միջև բանակցություններից մանրամասներ չէր հաղորդում։ Միայն նախորդ շաբաթ Թուրքիայի էներգետիկայի ու բնական պաշարների փոխնախարար Ալփարսլան Բայրաքթարը հայտարարել էր, որ Անկարան գազի մատակարարման նոր պայմանագրեր է կնքում Ադրբեջանի և Ռուսաստանի հետ։
Էմմա Չոբանյան
