30.07.2026 | 20:41
Ալիևը պետական այցով Ղրղզստանում է
Բաքուն Անկարայի հետ քննարկել է թուրքական նորագույն զենքերի ձեռքբերման և սպառազինման հարցեր
Քաղաքականություն
28.09.2021 | 13:02
Ադրբեջանի պաշտպանության փոխնախարար, նյութատեխնիկական ապահովման վարչության պետ, գեներալ-լեյտենանտ Նիզամ Օսամովը Թուրքիայի պաշտպանության փոխնախարար Մուհսին Դերեի գլխավորած պատվիրակության հետ հանդիպմանը ռազմատեխնիկական ոլորտում համագործակցության հարցեր է քննարկել, գրում են ադրբեջանական լրատվամիջոցները։
Հաղորդվում է, որ հանդիպմանը նշվել է երկու երկրների բանակների համագործակցության հաջող զարգացումը։ Կողմերը նաև ընդգծել են փոխադարձ համագործակցության կարևորությունը նյութատեխնիկական ապահովման բարելավման ոլորտում և քննարկել սպասվելիք քայլերն այդ ուղղությամբ։
Բացի այդ, հանդիպմանը քննարկվել են ադրբեջանական բանակի՝ Թուրքիայի ռազմարդյունաբերական համալիրի կողմից արտադրվող առաջատար տեխնոլոգիաների հիման վրա նորագույն զենքերի և սպառազինության ընդունման հեռանկարները։
Էմմա Չոբանյան
