19.05.2026 | 12:32
Երբ և ինչ պայմանների իրականացման դեպքում կբացվի Հայաստան-Թուրքիա սահմանը. Անկարայում Ադրբեջանի դեսպանի հայտարարությունը
ԱՄՆ-ն զգուշացնում է Թուրքիային՝ ռուսական S-400 համակարգերի նոր խմբաքանակի գնումը նոր պատժամիջոցների կհանգեցնի
Քաղաքականություն
27.09.2021 | 17:38
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Թուրքիայի նախագահ Ռեջեփ Թայիփ Էրդողանի՝ Ռուսաստանից S-400 համակարգերի երկրորդ խմբաքանակը գնելու հայտարարության ֆոնին Վաշինգտոնը զգուշացրել է, որ նման քայլը նոր պատժամիջոցների կհանգեցնի ՆԱՏՕ-ի դաշնակցի դեմ։
«Մենք շարունակում ենք պարզաբանել Թուրքիային, որ Ռուսաստանից ցանկացած նոր նշանակալի զենքի գնումը կհանգեցնի CAATSA նոր պատժամիջոցների կիրառմանը՝ նրանցից զատ, որ արդեն կիրառվել են 2020 թվականի դեկտեմբերին»,- ասել է ԱՄՆ Պետքարտուղարության խոսնակը Հունաստանի պետական ERT հեռուստաընկերությանը, գրում է «Ահվալ»-ը։
«Մենք Թուրքիային ամեն մակարդակում և հնարավորության դեպքում կոչ ենք անում՝ չպահել S-400 համակարգերը և ձեռնպահ մնալ Ռուսաստանից ցանկացած այլ լրացուցիչ սպառազինություն գնելուց»,- ասել է ամերիկացի պաշտոնյան։
Վաշինգտոնում նշում են, որ S-400 համակարգերը վտանգ են ներկայացնում F-35 կործանիչների և ՆԱՏՕ-ի պաշտպանական համակարգերի համար։
Հիշեցնենք՝ ամերիկյան CBS News-ին տված հարցազրույցում Էրդողանը հայտնել էր, որ մտադիր չէ չեղարկել Թուրքիայի կողմից ռուսական S-400-երի գնման երկրորդ պատվերը։
«Ապագայում ոչ ոք չի կարող միջամտել, թե մենք ինչ տեսակի պաշտպանական համակարգ կարող ենք ձեռք բերել, որ երկրից և ինչ մակարդակի։ Ոչ ոք չի կարող դրանում միջամտել, միայն մենք կարող ենք նման որոշումներ կայացնել»,- ասել է Էրդողանը։
Էմմա Չոբանյան
