18.12.2025 | 23:24
ՀՀ տարածքում ավտոճանապարհները հիմնականում անցանելի են
Թուրքիան կցանկանար, որ ԱՄՆ զորքերը հեռանային Սիրիայից և Իրաքից այնպես, ինչպես Աֆղանստանից հեռացան․ Էրդողան
Քաղաքականություն
26.09.2021 | 21:32
Անկարան կցանկանար, որ ԱՄՆ զորքերը հեռանային Սիրիայից և Իրաքից ճիշտ այնպես, ինչպես հեռացան Աֆղանստանից։ ՏԱՍՍ-ի փոխանցմամբ՝ այս մասին Թուրքիայի նախագահ Ռեջեփ Թայիփ Էրդողանը հայտարարել է ամերիկյան CBS հեռուստաալիքին տված հարցազրույցում, որը հեռարձակվել է կիրակի օրը։
«Իհարկե, եթե ես ընտրություն ունենայի, ես կցանկանայի, որ նրանք հեռանային Սիրիայից և Իրաքից ճիշտ այնպես, ինչպես նրանք հեռացան Աֆղանստանից», – ասել է նա ՝ պատասխանելով համապատասխան հարցին:
«Եթե մենք պատրաստվում ենք խաղաղություն հաստատել ամբողջ աշխարհում, ավելի շատ իմաստ չունի մնալ այդ տարածաշրջաններում , մենք կարող ենք պարզապես տալ այդ ժողովուրդներին ինքնուրույն որոշումներ կայացնելու հնարավորություն»,- հավելել է Էրդողանը:
Նրան հարց է ուղղվել այն մասին, թե արդյոք դա նշանակում է, որ այդ դեպքում Թուրքիան մտադիր է ԱՄՆ-ի տեղը զբաղեցնել Սիրիայում։
«Թույլ տվեք հստակ և ազնիվ ասել. մենք երբեք չենք մնա այնտեղ, որտեղ չեն ուզում, որ մենք մնանք։ Մենք երբեք չենք լինի այնտեղ, որտեղ մեզ ուրախ չեն»,- պատասխանել է Թուրքիայի առաջնորդը:
Էրդողանը հույս ունի, որ ԱՄՆ-ը, Ռուսաստանը, Իրանը և Թուրքիան կկարողանան համատեղ աշխատել Սիրիայում և Իրաքում խաղաղության հաստատման ուղղությամբ։
