19.11.2024 | 18:41
ԵԽ մարդու իրավունքների հանձնակատարն Ալիևին կոչ է արել ազատ արձակել իրավապաշտպաններին, լրագրողներին և քաղակտիվիստներին
Բնակիչը իր գյուղում կկարողանա ԱՁ ձևավորել, ամուսնություն գրանցել և այլն․ Սանոսյանը՝ խոշորացման մասին. ՏԵՍԱՆՅՈՒԹ
Քաղաքականություն
24.09.2021 | 12:21
Հայաստանում նախատեսվող համայնքների խոշորացման արդյունքում համայնքապետարանները չեն փակվի, համայնքապետարանում կաշխատի առնվազն 2 աշխատակից: «Հայաստանի Հանրապետության վարչատարածքային բաժանման մասին» օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթի քննարկման ժամանակ նշեց ՀՀ տարածքային կառավարման և ենթակառուցվածքների նախարար Գնել Սանոսյանը:
«Ինչ հարցերի համար համայնքի բնակիչը գնաում էր համայնքապետարան, շարունակելու է գնալ… Բնակիչը իր գյուղում կկարողանա համայնքապետարանում դիմում գրել, տեղեկանք վերցնել: Համայնքների խոշորացման պրոցեսի արդյունքում ավելի շատ ծառայություններ են մատուցվելու տեղում, ստեղծվում է քաղաքացիների սպասարկման գրասենյակ… Բնակիչը կարող է իր գյուղում ԱՁ ձևավորել, ամուսնություն գրանցել և այլն»,- նշեց Սանոսյանը:
Նշենք, որ նախագծի ընդունման դեպքում հանրապետությունում կլինի ընդամենը 78 համայնք, որից 71-ը՝ միավորված:
Մանրամասները՝ տեսանյութում:
