02.04.2026 | 12:34
«Թրամփի ուղու» համաձայնագիրը խախտել է 1828թ-ից գործող հավասարակշռությունը Հարավային Կովկասում. Օվերչուկ
Վրաստանը տարածաշրջանում ամենաբարձր գործազրկության մակարդակն ունեցող երկրներից է. IMF
Քաղաքականություն
22.09.2021 | 19:44
Արժույթի միջազգային հիմնադրամը (IMF) հրապարակել է Վրաստանի տնտեսության վերաբերյալ հերթական զեկույցը: 84 էջից բաղկացած փաստաթղթում քննարկվում են Վրաստանում ընթացող բարեփոխումները և երկրի տնտեսության առջև ծառացած մարտահրավերները:
Aliq.ge-ն գրում է, որ այս մարտահրավերների շարքում ԱՄՀ -ն երկրում գործազրկության բարձր մակարդակը համարում է կրիտիկական խնդիր: Զեկույցում ասվում է, որ COVID-19-ի համաճարակի հետևանքով իրավիճակն էլ ավելի է սրվել:
2019 թվականի չորրորդ եռամսյակից մինչև 2021 թվականի երկրորդ եռամսյակը Վրաստանում աշխատողների թիվը նվազել է 62,000 հազարով: Այս ընթացքում գործազուրկ է դարձել 90.000 մարդ, իսկ աշխատուժին է միացել մոտավորապես 27.000 մարդ:
Արդյունքում, Վրաստանում գործազրկությունն աճել է մոտ 5 տոկոսային կետով` կազմելով 22.1%:
«Վրաստանի երիտասարդների շրջանում գործազրկությունը տարածաշրջանում ամենաբարձրերից մեկն է, և գործազուրկների գրեթե կեսը 34 տարեկանից ցածր են: Վրաստանում երիտասարդների գործազրկության մակարդակը տարածաշրջանում հետ է մնում միայն Հայաստանի ցուցանիշից», — նշվում է ԱՄՀ -ի զեկույցում:
Հատկանշական է, որ մինչև 2020 թվականը գործազրկության մակարդակը 18.5% էր, Վրաստանը Աշխատանքի միջազգային կազմակերպության (ԱՄԿ) կողմից դասվել է գործազրկության ամենաբարձր մակարդակ ունեցող 10 երկրների շարքում:
