07.05.2025 | 01:04
Հնդկաստանի ԶՈՒ-ն սկսել է «Սինդուր» գործողությունը՝ հարված հասցնելով Պակիստանում «ահաբեկչական ենթակառուցվածքներին»
Ադրբեջանը պատրաստվում է դատի տալ Սոթքի ոսկու հանքավայրը շահագործող ընկերությանը
Քաղաքականություն
22.09.2021 | 16:35
Ադրբեջանի կառավարությունը ևս մի քանի հայց է պատրաստվում ներկայացնել Մարդու իրավունքների եվրոպական դատարան՝ ընդդեմ Հայաստանի։ Ադրբեջանական լրատվամիջոցների հաղորդմամբ՝ այս մասին հայտնել է Ադրբեջանի Միջազգային հարաբերությունների վերլուծությունների կենտրոնի նախագահ Ֆարիդ Շաֆիևը։
Նա, մասնավորապես, ասել է, որ Ադրբեջանը համապատասխան քայլեր կձեռնարկի՝ «օկուպացիայի ընթացքում Սոթքի հանքավայրի շահագործման հետ կապված»։
«Զոդի հանքավայրը շահագործող ընկերության դեմ հայց կներկայացվի եվրոպական երկրներից մեկում»,- ասել է Շաֆիևը։
Նշենք, որ Սոթքի ոսկու հանքավայրի մի մասը Արցախյան 44-օրյա պատերազմի հետո գտնվում է Ադրբեջանի վերահսկողության տակ։ Այնուամենայնիվ, Ադրբեջանի այս հայցն աբսուրդային է, քանի որ հանքը դեռևս ԽՍՀՄ տարիներին ամբողջությամբ շահագործել է Հայաստանը, այն հանդիսացել է ՀԽՍՀ սեփականությունը, որը հաստատող տարբեր փաստաթղթեր կան։
Էմմա Չոբանյան
