15.05.2024 | 23:54
25 հեկտար հողերը կվերադարձվեն Կիրանցին, ճանապարհի տեղափոխման խնդիր կա. վարչապետի աշխատակազմ
Պեսկովը հաստատել է․ նախապատրաստվում է Էրդողանի այցը ՌԴ ու հանդիպումը Պուտինի հետ
Քաղաքականություն
20.09.2021 | 17:46
ՌԴ նախագահ Վլադիմիր Պուտինն ու նրա թուրք գործընկեր Ռեջեփ Թայիփ Էրդողանը պատրաստվում են քննարկել երկկողմ հարաբերություններն ու սիրիական խնդիրը Էրդողանի՝ Ռուսաստան կատարելիք աշխատանքային այցի ընթացքում։ Այս մասին լրագրողների հետ զրույցում հայտնել է ՌԴ նախագահի մամուլի խոսնակ Դմիտրի Պեսկովը։
Ռիա Նովոստի գործակալության հաղորդմամբ՝ «Իսկապես, պատրաստվում է ՌԴ Թուրքիայի նախագահ Էրդողանի այցը։ Օրակարգը ընդարձակ է՝ սկսած երկկողմ հարաբերություններից։ Դրանք շատ բազմաբևեռ հարաբերություններ են և նախագահները միշտ այդ համատեքստում խոսելու բան ունեն։ Բայց, իհարկե, քննարկվելու են Սիրիան ու տարածաշրջանային այլ հակամարտությունները»,- ասել է Պեսկովը։
Հավելենք, որ ավելի վաղ Reuters գործակալությունը՝վկայակոչելով թուրքական իր աղբյուրներին հայտնել էր, որ սեպտեմբերի վերջին Էրդողանը պատրաստվում է այցելել է Սոչի՝ Պուտինի հետ բանակցությունների։
Էմմա Չոբանյան
