05.05.2024 | 16:18
Փլուզում Սիմեոն Երևանցու փողոցում
ԱՄՆ-ը պատժամիջոցներ է կիրառել Թուրքիայից աշխատող «Ալ-Քաիդայի» կողմնակիցների նկատմամբ
Քաղաքականություն
17.09.2021 | 17:09
ԱՄՆ-ի ֆինանսների նախարարությունը պատժամիջոցներ է սահմանել «Ալ-Քաիդայի» հինգ կողմնակիցների դեմ, որոնք ենթադրաբար ֆինանսական օգնություն են ցուցաբերել գրոհայիններին, գրում է VOA-ն:
Գերատեսչությունից հայտնել են, որ «Ալ-Քաիդային» աջակցող աշխատակիցները աշխատում էին Թուրքիայից:
«Մենք կշարունակենք աշխատել մեր արտասահմանյան գործընկերների, այդ թվում Թուրքիայի հետ՝ բացահայտելու և խափանելու «Ալ-Քաիդայի» ֆինանսական աջակցության ցանցերը»,- ասել է ֆինանսների նախարարության պաշտոնական ներկայացուցիչ Անդրեա Գացկին:
Գերատեսչությունից հայտնում են, որ պատժամիջոցներ են կիրառվել եգիպտացի փաստաբան ու հիմնական միջնորդ Մաջդի Սալիմի, ինչպես նաև մեկ այլ եգիպտացի Մուհամմադ Նասր դին Գազլանիի և Թուրքիայի քաղաքացիներ հանդիսացող Նուրեթթին Մուսլիհանի, Սեբրաիլ Գուզելի և Սոներ Գուրլյենի նկատմամբ:
Տաթև Ֆռանգյան
