30.07.2026 | 18:26
Նոր կենսաչափական անձնագրերի համակարգը կգործարկվի 2026 թվականի աշնանը
Զաքիր Հասանովը հայտարարել է, որ «Ադրբեջանը կկանխի Լեռնային Ղարաբաղում հայերի բոլոր հնարավոր սադրանքները»
Քաղաքականություն
17.09.2021 | 15:33
Ադրբեջանի պաշտպանության նախարար Զաքիր Հասանովը Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարի հետ նախօրերին տեղի ունեցած հանդիպմանը հայտարարել է, որ իբր «ադրբեջանական բանակը կանխել է Արցախի պաշտպանության բանակի բոլոր սադրանքները»։ Գրում են ադրբեջանական լրատվամիջոցները։
«Ադրբեջանական բանակը կանխել է ու կշարունակի կանխել Ղարաբաղում՝ Ադրբեջանի տարածքում, որտեղ ժամանակավոր տեղակայված են ռուս խաղաղապահները, հայկական անօրինական զինված խմբավորումների կողմից հնարավոր սադրանքները»,- ասել է Հասանովը, որ միջազգային հանրությունը պետք է այդ գործողություններին գնահատական տա ու որոշակի քայլեր ձեռնարկի։
Ադրբեջանի ՊՆ-ն նաև ասել է, որ ադրբեջանական բանակը, իբր, «լիովին կատարում է եռակողմ հայտարարության բոլոր պահանջները»։ Ադրբեջանական կողմի հաղորդմամբ՝ Կլաարը նշել է, որ ԵՄ-ն պատրաստ է համապատասխան աջակցություն ցուցաբերել տարածաշրջանում խաղաղության ապահովման համար։
Էմմա Չոբանյան
