14.12.2025 | 20:34
Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում
ԿԲ որոշ անդամներ քաղաքական զսպվածություն չեն դրսևորել. Գևորգ Պապոյան. ՏԵՍԱՆՅՈՒԹ
17.09.2021 | 14:02
ԱԺ ֆինանսավարկային և բյուջետային հարցերի մշտական հանձնաժողովի արտահերթ նիստում քննարկվում է Կենտրոնական բանկի խորհրդի անդամի թափուր տեղի համար «Քաղաքացիական պայմանագիր» խմբակցության կողմից ներկայացված Արտակ Մանուկյանի թեկնածության և Ազգային ժողովին այդ պաշտոնին թեկնածու առաջարկելու վերաբերյալ հարցը:
Թեկնածուին ներկայացրեց «Քաղաքացիական պայմանագիր» խմբակցության պատգամավոր Գևորգ Պապոյանը: Նա բարձր գնահատելով թեկնածուի մասնագիտական կարողությունները՝ նաև նշեց, որ Մանուկյանը եղել է ակտիվ պատգամավոր և մասնագիտական լուծումներ է առաջարկել, նաև նախաձեռնող է եղել տնտեսության տարբեր ոլորտների ու կառավարության ներկայացուցիչներին ԱԺ հրավիրելու և քննարկումների մասնակցելու համար:
Անդրադառնալով քննարկման ընթացքում հնչած դիտարկմանը ԿԲ – քաղաքականություն դիլեմայի շուրջ, Պապոյանը նշեց. «Քաղաքականությունը ԿԲ-ում չպետք է լինի, մինչդեռ ԿԲ որոշ անդամներ քաղաքական զսպվածություն չեն դրսևորել, այնուամենայնիվ Կենտրոնական բանկը իրեն պրոֆեսիոնալ է դրսևորել, երբ մեր երկիրը վայրիվերումների մեջ էր գտնվում»:
Մանրամասները՝ տեսանյութում:
