27.11.2024 | 14:22
Փաշինյանի իշխանության օրոք «պադավատների» թիվն ավելացել է՝ ի հեճուկս Փաշինյանի պնդումների
Թուրքական Քոնիայում թուրք-ադրբեջանական համատեղ զորավարժություններն ավարտվել են
Քաղաքականություն
16.09.2021 | 20:50
Թուրքական Քոնիա քաղաքի ավիաբազայում կայացել է Թուրքիայի ու Ադրբեջանի ռազմաօդային ուժերի TurAz Şahini-2021 զորավարժության փակման արարողությունը․ տեղեկացնում է Ադրբեջանի պաշտպանության նախարարությունը։
Ավիաբազայի հրամանատար գեներալ-մայոր Օնդեր Շենսոզը շնորհավորել է անձնակազմերին, որոնք մասնակցել են զորավարժություններին։ Նշվել է, որ հաջողությամբ ավարտված զորավարժություններին անձնակազմերը մեծ փորձ են ձեռք բերել։
Հատուկ ընդգծվել է նման վարժանքների կարևորությունը ռազմական օդաչուների մարտական պատրաստվածության բարձր մակարդակի պահպանման գործում։
Նշենք, որ համատեղ այս զորավարժություններում մասնակցել են Ադրբեջանի ռազմաօդային ուժերի երկու ՄԻԳ-29 կործանիչ ու երկու ՍՈՒ-25 գրոհիչ։
Հավելենք նաև, որ Ադրբեջանում դեռ շարունակվում են «Երեք եղբայր 2021» զորավարժությունները Ադրբեջանի, Թուրքիայի ու Պակիստանի հատուկ նշանակության ուժերի մասնակցությամբ։
Էմմա Չոբանյան
