02.03.2026 | 10:20
Իրանում գործողությունը կարող է տևել 4 շաբաթ. Թրամփ
Զոհված զինվորների հարազատները որպես խորհրդատու կաշխատեն պատերազմի մասնակիցների ընտանիքների հետ. Հայկ Մարության
Հասարակություն
16.09.2021 | 19:17
Այսօր Երևանի քաղաքապետ Հայկ Մարությանը հանդիպել է 44-օրյա պատերազմում զոհված զինծառայողների ծնողների հետ: Այս մասին նա հայտնել է իր ֆեյսբուքյան էջում:
«Քաղաքապետարանի երեխաների և սոցիալական պաշտպանության վարչության նախաձեռնությամբ, զոհված զինվորների հարազատները հատուկ վերապատրաստում են անցել և որպես հավասար խորհրդատու կաշխատեն պատերազմի մասնակիցների ընտանիքների հետ։
Շնորհակալ եմ մեր մայրերին ու քույրերին, որ կարողացել են ուժ գտնել իրենց մեջ և որոշել են օգնել նույն ցավն ապրած ընտանիքներին: Մենք բոլորս մեծ պարտք ունենք ձեր առջև և այդ պարտքը ոչ թե հայրենասիրական վեհ խոսքեր ասելով՝ այլ այդպես ապրելով ու գործելով պետք է մեր ողջ կյանքի ընթացքում մարենք: Դա, իհարկե, ամենաքիչն է, ինչ կարող ենք անել ձեզ համար: Վստահ եղեք, որ ձեր օգնությունը շատ մեծ է լինելու այդ դժոխքի միջով անցած ընտանիքներին»,-գրել է Մարությանը:
