18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
Աֆղանստանում անհետացել է «Թալիբանի» համահիմնադիր Աբդուլ Ղանի Բարադարը
Քաղաքականություն
15.09.2021 | 16:58
«Թալիբան» շարժման ղեկավարությունում, ամենայն հավանականությամբ, սուր հակամարտություն է առաջացել, որի ընթացքում Աֆղանստանի կառավարության փոխնախագահն ու «Թալիբանի» համահիմնադիր Աբդուլ Ղանի Բարադարը սուր վիճաբանության են բռնվել նախարարների կաբինետի անդամներից մեկի հետո, գրում է DW-ի ռուսական ծառայությունը։
«Թալիբանի» տարբեր խմբակցությունների միջև հակամարտությունների մասին ավելի վաղ ևս հաղորդվել էր։ Աֆղանստանի գլխավոր դիվանագետ Բարադարի գտնվելու վայրի ու առողջական վիճակի մասին հարցեր առաջացել էին դեռևս սեպտեմբերի 13-ին, երբ նա չէր ժամանել Քաթարի արտգործնախարար Մուհամմեդ բեն Աբդել Ռահման Ալ Թանիի հետ բանակցություններին։ Բարադարը ղեկավարել է Քաթարում ԱՄՆ-ի հետ բանակցություններն ու համարվում է «թալիբանի» ամենազդեցիկ առաջնորդներից մեկը։
Թալիբները սեպտեմբերի 14-ին հերքել են այն լուրերը, որ Աբդուլ Ղանի Բարադարը սպանված է՝ հրապարակելով մի ձայնագրություն, որում Բարադարի ենթադրյալ ձայնը վստահեցնում է, որ նա «ուղևորության մեջ է»։ «Թալիբանի» ներկայացուցիչը հայտարարել է, որ Բարադարը գտնվում է Քանդահարում։
Տաթև Ֆռանգյան
